Gudoomiyaha Aqalka Sare Md, Cabdi Xaashi C/llaahi, Gudoomiyha Guddiga Warfaafinta ee Golaha Baarlamaanka Xildhibaan Khaalid Macow, Xildhibaan Maryan Cariif Qaasim iyo dhamaan bahda Akadeemiye-Goboleedka AfSoomaaliga (AGA) waxay si wadajir ah tacsi tiiraanyo leh ugu dirayaan Guddoomiyaha Akadeemiyada Aga Prof. Maxamed Daahir Afrax oo walaashiis Marxuumad Abshiro Daahir Afrax ay ku geeriyootay Deegaanka Mareer oo ka tirsan Degmada Gari-cad ee Gobolka Mudug.
Madaxdaas iyo xubnaha Aga ayaa marxuumadaasi Alle uga barayay inuu Jannada ka waraabiyo, kitaabkeedana uuu middigta ka siiyo, marti la jecel yahay inay noqoto, qoyskii iyo eheladii ay ka baxdayna samir iyo iimaan inuu illaah ka siiyo.
Dhinaca kale tacsi gaar ah waxaa dirayo goosanka Akadeemiyada ee Muqdisho oo kala ah Prof. Mustafa Feyruus, Cabdi-naasir Yuusuf, Cali Cigaal, C/casiis Goobdoon, Axmed faarax, Deeq Xersi, C/llaahi Gacanka, Axmed Dhicisow, C/llaahi Xasan, C/qaadir Shire, Seynab Xaaji Axmed “Ugbaad” iyo Dayax Axmed Maxamed, dhamaan dadkaas waxay Guddoomiye Dr. Afrax uga tacsiyeynayaan Marxuumada geeriyootay, waxayna Alle uga baryayaan inuu Jannada ka waraabiyo.
Sidoo kale waxaa tacsi taas la mid ah diraya Maqaawiirta iyo Wakiilada Akadeemiyada Aga ee kala ah Prof. Cabdalla Mansuur, Prof. Maxamed Cali Kalaay, Macallin Saciid Saalax, Qoraa Axmed Faarax” Idaajaa”, Aqoonyahan Maxamed Sheikh Afguriye {Xukun}, Ismaaciil Jaa-juumow, C/qaadir Ruumi, C/raxmaan Aabtidoon, Aamino Muuse, Max’ed C/llaahi Cartan, Macallin Maxmuud, Cabdi-naasir Ibraahim, C/rashiid Maxamed Ismaaciil iyo Inna caws gurow, dhamaan masuulyiintaasi waxay Dr. Afrax uga tacsiyaynayaan geerida ku timid walaashiis oo ku geeriyootay Gobolka Mudug.
Adduunyadu waa safar, qof walbana maalin ayuu ka tagayaa, ma-dhinte waa illaah ee Alle ha u naxariisto walaasheena Marxuumad Abshiro Daahir Afrax oo ku xijaabatay Deegaanka Mareer ee G/Mudug.
