Kulanaqooneed loogu talaggalay gorfaynta buugga Seeska Naxwaha Af Soomaaliga ee uu qorey madaxa waaxda Naxwaha ee Akademiya Goboleedka Af Soomaaliga (AGA), Barsare Cabdalla Cumar Mansuur ayaa 23/6/2026, waxaa lagu qabtay xarunta maktabadda Dhaxalreeb ee magaalada Muqdisho.

Buugaas qiimaha badan, waxaa soo gorfeeyay aqoonyahannada kala ah: Barafasoor Maxamed Cilmi Tooxoow, Maxamed Maxamuud Guuleed (Daqarre) iyo Cabdiwali Maxamed Shiikh Cumar, kuwaasi oo soo bandhigay aragtiyahooda, falanqayntooda iyo qodobbadii ay ku soo arkeen buugga, iyagoo dul istaagay muhiimmadda iyo doorka uu buuggu ku leeyahay midaynta, horumarinta iyo casriyaynta af Soomaaliga.

Sidoo kale, intii uu kulanku socday waxaa qoraha buugga oo ahaa Barasare Mansuur, waxa laga weydiiyay su’aalo badan oo la xiriiray nuxurka buugga, habka cilmibaarista iyo fikradaha uu ku soo bandhigay, kuwaas oo uu si faahfaahsan uga jawaabay.

MAQAALLO LA XIDHIIDHADHEERAAD AH OO KA SOO QORAAGA