Akadeemiye-Goboleedka AfSoomaaliga (AGA) ayaa maanta oo ku beegan 2/5/2022 waxa ay ugu hambalyeesay dhammaan ummadda Soomaaliyeed munaasabadda barakaysan ee Ciidul Fidriga, taasi oo maanta ay tahay maalintii koowaad ee dabaaldegga ciiddaas.

War qoraal ah ka soo ka soo baxay xarunta dhexe ee AGA ayaa Alle looga baryey shucuubta Islaamka ah, gaar ahaan ummadda Soomaaliyeed in uu ka aqbalo soonkii iyo cibaadadii wanaagsanayd oo ay soo guteen intii lagu guda jiray bishii barakaysnayd ee Ramadaan, iyada oo qoraalkaasi loogu rajeeyay in sannadkaan, kiisa kale ay ku gaaraan nabad iyo horumar.

Ugu dambayntii, warkaasi ayaa looga codsaday dadka Soomaaliyeed farxadda Ciidul Fidriga awgeed in uu qof kasta gacan ka geysto farxad-gelinta dadka tabaaleysan.

Ciidda loo yaqaanno Ciidul Fitriga ayaa waxa ay ka mid tahay labada ciiddood ee uu Alle siiyay ummaddaha Islaamka ah.

MAQAALLO LA XIDHIIDHADHEERAAD AH OO KA SOO QORAAGA