Xaflad shahaadooyin lagu guddoonsiinayey 15-qoraa oo isugu jiray saxafiyiin iyo macallimiin oo dhammaystay tababbar socday muddo bil ah, ayna ka soo qayb-galeen masuuliyiin iyo madax kala duwan ayaa lagu qabtay magaalada Muqdisho.

Tababbarkaasi ayaa waxaa qabatay xarunta hormarinta hoggaaminta ee Dhaxalreeb, waxaana casharrada ka bixinayey khabiirro iyo xeeldheerayaal af Soomaaliga oo kala ahaa Prof. Cabdalla Cumar Mansuur, Prof. Maxamed Cilmi Tooxow iyo qoraa Maxamed Warsame Hiraabey.

Xafladda xiritaanka tababbarka ayaa goobjoog waxaa ka ahaa madax iyo masuuliyiin ka tirsan Dawladda Federaalka, waxaana halkaas ardayda lagu guddoonsiiyey shahaadooyin.

Muddadii uu tababbarkaasi socday ayaa waxaa ardayda la barayey casharro kala duwan oo ku saabsanaa middaynta hab qoraalka, magacyada lammaan iyo sarbeebta.

MAQAALLO LA XIDHIIDHADHEERAAD AH OO KA SOO QORAAGA